في ناس كثير بتسألني: هو منتخبنا عشان شو بيلعب حاليأً؟ شو هالبطولة؟ ووين رح نوصل بعدها؟. بدي احاول اجاوبهم باختصار ولأنه فعلاً حتى متابعين كرة القدم مش متابعين كثير للمنتخب. رح اكتب بالعامية زي ما انتو شايفين عشان نقرّب الإجابة.
القصة بتسلسل صغير: فلسطين - بطل التحدي - المشاركة في كأس آسيا لأول مرة في تاريخ الفدائي. هسا كيف؟
بكل قارة في العالم في بطولة كبيرة بكرة القدم، يتمّ فيها تحديد بطل "القارة"، بأوروبا في بطولة أوروبا وفي افريقيا نفس الشيء، واحنا كمان كمنتخب فلسطين بنلعب ببطولة آسيا بمما إننا محسوبين على هالقارة سياسياً ورياضياً ..الخ.
لكن عشان توصل هالبطولة لازم يصير تصفيات. يعني منتخبات تلعب ضد بعض ليوصلوا أفضل 16 منتخب على مستوى القارة يتنافسوا ويتم اختيار الأفضل. طبعا بصير تصفيات عشان اليابان مثلا ما تلعب ضد دولة زي لاوس وتفوز عليها 15-0 وما يكون منظر البطولة وقتها "بشع" وتفاوت مستويات كبير.
هسا بآسيا في كثير منتخبات. 46 منتخب متفاوتة المستوى ... دول مثل السعودية، اليابان، كوريا الجنوبية وكمان استراليا (رياضياً صارت محسوبة معنا) هاي وكمان منتخبات بالصف الأول. وفي منتخبات ضعيفة زي تايوان، ومكاو، وغوام ...الخ.
احنا كمنتخب فلسطين صنفونا مع الضعاف. لأنه منتخبنا بالأساس ما كان يشارك في بطولات قبل 1998 .. زماااااان كنا أول اتحاد كرة قدم عربي في آسيا وتحديدا 1928، ولكن الاحتلال زي ما بتعرفوا شلّ النشاط الرياضي عندنا وبس من 2008 صار عندنا دوري منتظم للأندية ساهم في انه يصير منتخبنا قوي ويعيش نفس تجارب الدول الثانية في كل العالم.
المهم احنا صنفونا مع النصف الثاني الضعيف (20 دولة) وحكولنا عشان توصلوا هالبطولة الصعبة بدنا نعطيكم "شانص"، وهو انه تلعبوا ضد بعض والأول يشارك في بطولة أمم آسيا الي أساساً صعب منتخب زي منتخبنا يوصلها لو لعب تصفيات ضد العراق مثلا.
اذن: بطولة التحدي هي بطولة بتتنافس فيها الدول الضعيفة في آسيا واحنا ظروفنا خلتنا نلعب معها. مرة جبنا الرابع ومرة طلعنا من دور 8! وهالمرة وصلنا نصف النهائي الي هو فعلياً فيه بس 4 منتخبات بعد ما ربحنا في المجموعة وحققنا المركز الأول.
بطولة كأس التحدي هالسنة تقام في جزر المالديف والي بحقق اللقب فيها رح يتأهل لكأس آسيا 2015 الي رح تقام في استراليا، وتخيلوا منتخبنا هسا مصنف 165 ع العالم. اما ان فاز بالبطولة رح يصير تصنيفه 96 تقريبا!.
هاي كل الحدوتة. بعرف انه الكلام فيها سهل كثير على حدا رياضي. لكن غير الرياضيين الي تابعوا المنتخب من جديد حقهم يعرفوا شو بنلعب احنا ولشو.
بكرة رح نلعب ضد افغانستان الساعة 1 ونصف بتوقيت فلسطين. وان فزنا رح نوصل النهائي ونقابل الفائز من الفلبين وجزر المالديف، ووقتها ان فزنا بنلعب النهائي يوم الجمعة، وان ربحنا البطولة - ان شاء الله - رح نصعد لاستراليا 2015 ويكون الانجاز الأبرز في تاريخ الكرة الفلسطينية.
عشان هيك يا ريت كلكم تشجعوا المنتخب بكرة وتقفوا معاه. وفلسطين قد التحدي بإذن الله.
القصة بتسلسل صغير: فلسطين - بطل التحدي - المشاركة في كأس آسيا لأول مرة في تاريخ الفدائي. هسا كيف؟
بكل قارة في العالم في بطولة كبيرة بكرة القدم، يتمّ فيها تحديد بطل "القارة"، بأوروبا في بطولة أوروبا وفي افريقيا نفس الشيء، واحنا كمان كمنتخب فلسطين بنلعب ببطولة آسيا بمما إننا محسوبين على هالقارة سياسياً ورياضياً ..الخ.
هسا بآسيا في كثير منتخبات. 46 منتخب متفاوتة المستوى ... دول مثل السعودية، اليابان، كوريا الجنوبية وكمان استراليا (رياضياً صارت محسوبة معنا) هاي وكمان منتخبات بالصف الأول. وفي منتخبات ضعيفة زي تايوان، ومكاو، وغوام ...الخ.
احنا كمنتخب فلسطين صنفونا مع الضعاف. لأنه منتخبنا بالأساس ما كان يشارك في بطولات قبل 1998 .. زماااااان كنا أول اتحاد كرة قدم عربي في آسيا وتحديدا 1928، ولكن الاحتلال زي ما بتعرفوا شلّ النشاط الرياضي عندنا وبس من 2008 صار عندنا دوري منتظم للأندية ساهم في انه يصير منتخبنا قوي ويعيش نفس تجارب الدول الثانية في كل العالم.
المهم احنا صنفونا مع النصف الثاني الضعيف (20 دولة) وحكولنا عشان توصلوا هالبطولة الصعبة بدنا نعطيكم "شانص"، وهو انه تلعبوا ضد بعض والأول يشارك في بطولة أمم آسيا الي أساساً صعب منتخب زي منتخبنا يوصلها لو لعب تصفيات ضد العراق مثلا.
اذن: بطولة التحدي هي بطولة بتتنافس فيها الدول الضعيفة في آسيا واحنا ظروفنا خلتنا نلعب معها. مرة جبنا الرابع ومرة طلعنا من دور 8! وهالمرة وصلنا نصف النهائي الي هو فعلياً فيه بس 4 منتخبات بعد ما ربحنا في المجموعة وحققنا المركز الأول.
بطولة كأس التحدي هالسنة تقام في جزر المالديف والي بحقق اللقب فيها رح يتأهل لكأس آسيا 2015 الي رح تقام في استراليا، وتخيلوا منتخبنا هسا مصنف 165 ع العالم. اما ان فاز بالبطولة رح يصير تصنيفه 96 تقريبا!.
هاي كل الحدوتة. بعرف انه الكلام فيها سهل كثير على حدا رياضي. لكن غير الرياضيين الي تابعوا المنتخب من جديد حقهم يعرفوا شو بنلعب احنا ولشو.
بكرة رح نلعب ضد افغانستان الساعة 1 ونصف بتوقيت فلسطين. وان فزنا رح نوصل النهائي ونقابل الفائز من الفلبين وجزر المالديف، ووقتها ان فزنا بنلعب النهائي يوم الجمعة، وان ربحنا البطولة - ان شاء الله - رح نصعد لاستراليا 2015 ويكون الانجاز الأبرز في تاريخ الكرة الفلسطينية.
عشان هيك يا ريت كلكم تشجعوا المنتخب بكرة وتقفوا معاه. وفلسطين قد التحدي بإذن الله.
ليست هناك تعليقات:
إرسال تعليق